ჩემი პროექტი

დღეს გავაგრძელეთ მოსწავლეთა შეფასების ფორმების გაცნობა-ჯგუფური მუშაობის შეფასების ტექნოლოგიები. გადავხედეთ პროექტის გეგმას, დავამატეთ შინაარსობრივი კრიტერიუმები, შეფასების ინსტრუმენტები, განვსაზღვრეთ სწავლის შედეგები. დავიწყე მუშაობა პროცედურების გაწერაზე. განვიხილეთ პროექტის ფასილიტაცია, ვნახეთ კონკრეტული მაგალითები. 

დღეს გავეცანით მოსწავლეთა პროექტების შეფასებას. განვიხილეთ შეფასების სტრატეგიები, ვნახეთ შეფასების ბიბლიოთეკა, მოსწავლეთა შეფასების ფორმები. ჩვენი პროექტის შესაბამისად შევადგინეთ შეფასების რუბრიკები. დავიწყეთ სასწავლო პროექტის გეგმის გადახედვა, განვიხილეთ სასწავლო პროცედურები. დღეს განხილული მასალა დამეხმარება პროექტის მიმდინარეობისას მოსწავლეთა შეფასებაში.   

დღეს ბლოგზე პორტფოლიოს პრეზენტაცია ავტვირთეთ.  ამისათვის გავეცანით გუგლი დრაივზე პრეზენტაციის ატვირთვას და მის გაზიარებას ჩვენს ბლოგზე. მოვახდინე უკუკავშირი მეწყვილის პრეზენტაციაზე. შევქმენით მოსწავლის ნიმუში (პრეზენტაცია). წინასწარ შევქმენით პრეზენტაციის ჩეკლისტი. დღე საინტერესო იყო. 

დღეს გავეცანით კონსტრუქციული უკუკავშირის მაგალითებს. უკუკავშირის განხორციელების დროს ჯერ დავიწყოთ პოზიტიურით, ავუხსნათ რა იყო კარგი, შემდეგ მივუთითოთ რა არის გასაუმჯობესებელი და ბოლოს რჩევა, როგორ გააუმჯობესოს. დავიწყეთ პროექტის პროცედურების გაწერა. ჩამოვაყალიბეთ დავალებები ბლუმი/გარდნერის მიხედვით. შევქმენი  ჩემი სასწავლო პროექტის პრეზენტაცია. 

დღეს განვიხილეთ შეფასების სხვადასხვა მეთოდი და მათი ინსტრუმენტები. განვსაზღვრე ჩემი პროექტის მიმდინარეობის სხვადასხვა ეტაპზე (დასაწყისში, მსვლელობისას, დასრულებამდე) რომელ მეთოდებს გამოვიყენებ. გავეცანით ტექნოლოგიების გამოყენებასთან დაკავშირებული საკითხები: როგორ მოვიძიოთ საჭირო ინფორმაცია უფრო მოხერხებულად. გავეცანით ზოგიერთ ვებსაიტებს და რესურსებს. დღე ძალიან საინტერესო და მრავლისმომცემი იყო.

დღეს დავიწყეთ სასწავლო პროექტის გეგმაზე მუშაობა. ვფიქრობ პროექტი გავაკეთო მათემატიკაში. მოსწავლეებმა  გამოითვალონ რუკის დახმარებით ექსკურსიის მარშრუტის სიგრძე, განსაზღვრონ რა თანხა დასჭირდებათ.  გამოვავლინეთ სტანდარტით განსაზღვრული შედეგები, რომელთა მიღწევაც გვსურს. მათზე დაყრდნობით დავისახავთ სასწავლო მიზნებს, გამოვყოფთ მნიშვნელოვან ცნებებს. გავეცანით  მიმართულების მიმცემი საკვანძო კითხვების ტიპები: ზოგადი, თემატური და შინაარსობრივი. გავეცანით განახლებულ ბლუმის ტაქსონომიას.

დღეს ვისწავლეთ ბლოგის შექმნა, ბლოგზე კომენტარის გამოქვეყნება. გავეცანით პროექტის მოთხოვნებს, მოვახდინეთ იდეების გენერირება. ამ ეტაპზე არ მაქვს გადაწყვეტილი, რომელ პრობლემაზე შევჩერდები. აქ განხილული იდეები ვფიქრობ დამეხმარება. ასევე  ვისაუბრეთ პუბლიკაციის მომზადების შესახებ, გავეცანით ბუკლეტების შაბლონებს. ჩემი აზრით, საინტერესო იქნება ბუკლეტების დახმარებით მშობლების ინფორმირებულობა. დავიწყეთ მუშაობა ბუკლეტის შექმნაზე. 

ვფიქრობ პროექტებით სწავლება მნიშვნელოვანია სასწავლო პროცესში. ამ ეტაპზე ჯერ არ მაქვს მოფიქრებული რომელ პროექტს დავგეგმავ, ვფიქრობ იდეაზე.